Yanga kuwafuata Al Ahly kibabe leo

Kikosi cha Timu ya Yanga, kinatarajiwa kuanza safari leo kuelekea nchini Misri kwa ajili ya mchezo wao wa mwisho wa hatua ya makundi ya Ligi ya Mabingwa Afrika dhidi ya Al Ahly.

Yanga na Ahly ambao wote wameshafuzu hatua ya robo fainali, watakipiga kwenye mchezo huo unaotarajiwa kufanyika Ijumaa, Machi 1, 2024 majira ya saa 1:00 nchini Misri.

“Timu yetu ya Yanga leo panapo majaliwa ya Mwenyezi Mungu tunatarajia kuondoka hapa Dar es salaam majira ya saa 11:55 jioni kuelekea Cairo nchini Misri kwa ajili ya mchezo wetu dhidi ya Al Ahly.

“Tutaondoka na ndege ya Shirika la Ethiopia Airline na kutua Addis Ababa Ethiopia kwenye Uwanja wa Bole majira ya saa 2:35 usiku, tutapumzika kwa saa kama mbili hivi kisha saa 4:05 tutaanza safari ya kutoka Ethiopia kwenda Cairo ambako tutafika saa 7:20 usiku (kuamkia kesho) tutawasili,” amesema Ally Kamwe.