Yanga kuwafanyia dua Al Ahly

Klabu ya Yanga SC imepanga kufanya Dua Ijumaa kuiombea timu yao kwa ajili ya mchezo dhidi ya Al Ahly utakaopigwa katika Dimba la Mkapa, Jumamosi ijayo, Desemba 2, 2023.

Mkuu wa Idara ya Habari na Mawasiliano wa Yanga SC, Ally Kamwe amewaomba Wanachama na Mashabiki wa timu hiyo kufanya maombi sehemu yoyote walipo ili kupata matokeo mazuri dhidi ya Al Ahly.

"Dunia nzima itaitazama Yanga wiki hii Kwa sababu baada michezo ya ligi ya mabingwa, Al Ahly wanakwenda kucheza michuano ya klabu bingwa ya dunia na Manchester City wapo, hivyo Man City wataitazama Yanga hivyo tunajukumu la kwenda kuwaonesha njia," amesema Ally Kamwe.