Yanga kushusha beki la kazi leo

Klabu ya Soka ya Yanga, leo Julai 11, 2023, inatarajiwa kumshusha beki wa kati, Gift Fred, akitokea nchini Uganda, huku ikitajwa kuwa klabu hiyo imetumia karibu Tsh milioni 115, kuipata saini ya beki huyo machachari.

Beki huyo ambaye amekuwa na kiwango bora akiwa na timu ya SC Villa ya nchini Uganda kwa misimu miwili, pia amepewa nafasi karibu mechi 7 na Kocha Micho Sredojevic wa Timu ya Taifa ya Uganda.

Gift amewavutia Yanga haswa katika michuano ya kufuzu AFCON na kuwafanya wampe mkataba wa miaka mitatu.