Yanga kunywa supu kabla ya parade la ubingwa

Meneja wa Mawasiliano wa Klabu ya Soka ya Yanga, Ali Kamwe, amesema sherehe za kusherekea ubingwa ambazo zitaambatana na 'Parade la Ubingwa' zitafanyika Mei 26, 2024.

Ali Kamwe, ameeleza hayo wakati akizungumza na waandishi wa Habari, ambapo ameeleza kuwa Parade hilo litaanzia Uwanja wa Benjamin Mkapa kuanzia asubuhi na litaelekea Jangwani na siku moja kabla ya parade hilo ambayo itakuwa Mei, 25, 2024 kutakuwa na 'Supu Day' ambayo itafanyika kwenye uwanja huo.

"Tutakuwa na parade la ubingwa, tutaanzia Uwanja wa Benjamin Mkapa kuanzia asubuhi kuja Jangwani. Najua miongoni mwa vituo vyetu mnavijua… Safari hii hatupiti tu, tutakaa hapo kwa muda," ameeleza Kamwe.