Yanga kuna pengo la beki wa kushoto - Mchambuzi

Mchambuzi wa masuala ya soka nchini kutoka East Africa Radio, Martin Mwakiposa amesema kuwa analiona pengo kubwa kwenye nafasi ya beki wa kushoto kwa timu ya Yanga SC kufuatia kuumia kwa beki wake raia wa Congo, Joyce Lomalisa Mutambala.

Mwakiposa amesema hayo kuelekea mechi ya marudiano wa Ligi ya Mabingwa Afrika kati ya Yanga na Al-Merrikh ya Sudan itakayopigwa katika Dimba la Azam Complex, Chamazi, Septemba 30, 2023.

"Ukiangalia ubora wa Yanga msimu huu, yes! Hakuna shida kila mtu anafahamu, sema napata mashaka sana na upande wa kushoto kwa mtu kama Lomalisa kutokuwepo.

"Unaweza ukasema Kibabage ni mchezaji mzuri, sawa lakini Lomalisa amekuwa mzuri zaidi kwa sababu ukiangalia kile anachokupa ndani ya uwanja kinaweza kikawa tofauti na kibabage, kwanza ball controll yake.

"Uwezo wake mkubwa wa kupiga krosi, ana vitu vingi sana Lomalisa katika eneo hilo, kwahiyo nafikiri eneo ambalo Yanga kidogo linaweza likawa linawapa shida ni eneo la upande wa kushoto," amesema Martin Mwakiposa.