Yanga kukutana tena na Azam?

Droo ya robo fainali ya michuano ya CRDB Federation Cup imefanyika rasmi siku ya leo ambapo timu nane zinaenda kuchuana;

Nusu fainali ya kwanza itawakutanisha mshindi kati ya Azam FC na Namungo FC atakutana na mshindi kati ya Coastal Union na Geita Gold huku Mshindi kati ya Ihefu SC na Mashujaa FC atakutana na mshindi kati ya Yanga SC na Tabora United FC.

Droo ni kama ifuatavyo;

Azam FC VS Namungo FC

Yanga SC VS Tabora United

Coastal Union VS Geita Gold

Ihefu VS Mashujaa FC.

Vilabu vya Yanga SC na Azam FC ambavyo vinatazamwa zaidi kwenye michuano hii havitaweza kukutana kwenye hatua hii wala ile ya Nusu fainali ndani ya msimu huu bali wanaweza kukutana kwenye fainali iwapo wote watafanikiwa kupita hatua ya nusu fainali.

Nusu fainali ni kama ifuatavyo;

Mshindi kati ya Azam FC VS Namungo FC atakutana na mshindi kati ya Coastal Union VS Geita Gold na mshindi kati ya Yanga SC VS Tabora United atakutana na Ihefu VS Mashujaa FC.

Itakumbukwa kuwa, msimu uliopita Yanga walikutana na Azam kwenye fainali hiyo iliyopigwa kwenye dimba la Mkwakwani Tanga huku Yanga wakifanikiwa kuibuka na ushindi wa bao 1-0, bao lililofungwa na Kennedy Musonda na kutwaa ubingwa huo.

Yanga na Azam ambao ndiyo timu zinazopewa nafasi kubwa ya kucheza fainali ya kombe hilo, wametoka kukutana kwenye mchezo wa Ligi Kuu ya NBC, Machi 17, 2024 na Azam kufanikiwa kufunga bao 2-1.