Yanga inacheza fainali kombe la shirikisho CAF - Farid

Kiungo wa yanga Farid Mussa amesema kuwa Yanga sasa ni timu bora hivyo wanaamini wanakwenda kucheza fainali ya Kombe la Shirikisho barani Afrika kwa kuwa kila mchezaji anakwenda kupambana kuhakikisha wanashinda katika mchezo wa marudiono dhidi Marumo Gallants wanapata ushindi.

"Yanga ina timu bora kwa sasa naamini kikosi hiki tulichonacho tunakwenda kuishangaza Afrika kutokana na namna ambavyo tumecheza mashindano hayo kwa kushinda ugenini na nyumbani,” amesema kiungo wa Yanga, Faridi Mussa.

Mechi ya Marumo na Yanga itapigwa saa 12:00 kesho kwa saa za hapa Afrika Kusini ikiwa ni sawa na saa 1:00 usiku za Tanzania muda ambao kwa huku Rustenburg baridi huwa kali sana.

Yanga inahitaji ushindi au sare kwenye mchezo huo utsksopigwa uwanja wa Royal Bafeng ili iweze kutinga fainali ya Kombe la Shirikisho Afrika kwa mara ya kwanza kwani katika mchezo wa kwanza uliopigwa Uwanja wa Benjamin Mkapa, Wananchi walishinda 2-0.