Yanga hii! bado hamjasema

Yanga iliuvunja mfupa ilioushindwa kwa muda mrefu kwa kuifunga Al Merrikh ya Sudan kwa mabao 2-0, huku wakiupiga mpira mwingi kwenye Uwanja wa Kigali Pele.

Yanga ilipata ushindi huo ambao ni REKODI kwa klabu hiyo, kwani ilikuwa haijawahi kupata ushindi mbele ya wapinzani wao hao kwenye michuano ya CAF tangu mwaka 1978.

Katika mchezo wa jana Yanga ilitengeneza nafasi nyingi ambazo kama ingezitumia ingepata mabao mengi zaidi, hivyo mechi ijayo ni lazima iwe makini kwa vile Al Merrikh itakuja Dar ikiwa haina cha kupoteza kutokana na matokeo ya nyumbani.