Yanga hawamuamini Musonda - Ngereza

Mchambuzi wa masuala ya soka nchini, Alex Ngereza kutoka TV# amedai kuwa uongozi wa Klabu ya Yanga haumwamini mshambuliaji wake, Kennedy Musonda kama walivyokuwa wakimwamini Fiston Mayele.

Ngereza amesema kuwa ndiyo maana Yanga wanataka mbadala wa Musonda baada ya Mayele kuondoka klabuni hapo.

"Yanga hawajawahi kuwa na imani na Musonda na ndo maana wanatafuta mshambuliaji mwingine, wakati Mayele yupo Yanga hawakuwahi kufikilia kuongeza mshambuliaji mpya kwa sababu walikuwa na imani nae kubwa sana lakini kwa sasa wanatafuta mshambualiji mpya kwa sababu hawana imani na Musonda," amesema Alex Ngereza.

Musonda alisajiliwa Yanga, Januari 2023 wakati wa dirisha dogo akitokea Power Dynamo ya nchini kwao Zambia kwa ajili ya kuja kusaidizana na Mayele.