Yanga Princes yakwea pipa kuifuata Alliance

Kikosi cha Yanga Princess, leo alfajiri kimeondoka Dar es Salaam kuelekea Mwanza kwa ajili ya mchezo wa Ligi Kuu Soka Wanawake dhidi ya Alliance Girls.

Mchezo huo wa raundi ya 9, unatarajiwa kuchezwa kesho Alhamisi kwenye Uwanja wa Nyamagana, Mwanza.

Katika safari hiyo ambayo timu imetumia Ndege ya Shirika la Air Tanzania, kikosi kimeondoka kikiwa na wachezaji 18.

Yanga Princess kwa sasa inashika nafasi ya nne kwenye msimamo wa Ligi Kuu Soka Wanawake ikiwa imekusanya pointi 15 baada ya kushuka dimbani mara nane.