Xavi awamwagia sifa nyota wake ubingwa wa Spanish Supe Cup

Xavi Hernandez amewasifia wachezaji wake baada ya kufuinga Real Madrid mabao 3-0 kwenye mechi ya El Cassico, Barcelona wakiibuka kuwa mabingwa wa Spanish Super Cup.

Xavi amefanikiwa kubeba kombe kwa mara ya kwanza tangu akiwa kocha baada ya kudumu kwa muda wa miaka‬ 17 kipindi anakipiga Camp Nou.

Barcelona ilionyesha kiwango bora kwenye mchezo huo wa fainali uliyochezwa ndani ya jiji la Riyadh, Saudi Arabia.

Mabao ya Barcelona yaliwekwa kimiani na Gavi dakika ya 33 ya mchezo huo kipindi cha kwanza kabla ya Robert Lewandowski kupachika bao la pili dakika ya 45, bao la mwisho lilifungwa na Pedri dakika ya 69, Karim Benzema akafunga bao la kufutia machozi dakika ya 90.

Madrid ilishindwa kutamba kwenye mechi ya El Classic kutokana na uimara wa safu ya ulinzi ya Barcelona, licha ya Vinicius Jr kupambana lakini beki wa Barcelona, Ronald Araujo akamdhibiti.

Hata safu ya kiungo ya Madrid iliyoundwa na Luka Modric na Toni Kroos ilidhibitiwa na viungo kinda wa Barcelona, Gavi na Pedri ambao waliibuka vinara kwenye mchezo wa El Classico.

Madrid imeonekana kusuasua kwenye mechi zao za hivi karibuni na kabla ya fainali za Spanish Super Cup, vijana wa Carlo Ancelotti walipokea kichapo cha mabao 2-1 dhidi ya Villarreal kwenye mechi ya La Liga na kushushwa na Barcelona kwenye msimamo wa ligi ambao ni vinara kwasasa.