Xavi: Aubameyang ni zawadi Kutoka Peponi

Kocha mkuu wa Barcelona amesema kwamba mshambuliaji Pierre-Emerick Aubameyang ni kama zawadi kutoka peponi baada ya mchezaji huyo kufanya vizuri ndani ya Barcelona.

Aubameyang alifunga bao katika ushindi wa 4-0 dhidi ya Osasuna siku ya Jumapili akiwa amefunga mabao sita katika michezo tisa aliyocheza tangu atue Camp Nou akitokea Arsenal wakati wa dirisha la usajili la Januari.

Auba ana wastani wa kufunga goli wa 0.96 ndani ya dakika 90 kwenye mashindano yote ukilinganisha na alivyokuwa The Gunners wastani wa 0.57 kwenye mashindano yote kabla ya kutimikia Barca.

“Aubameyang ni zawadi kutoka peponi,” Xavi alisema baada ya timu yake kupata ushindi wa nne mfululizo wa LaLiga.

“Yeye ni mchezaji mzuri ambaye mara zote huingia kwenye chumba akiwa katika hali nzuri na huzoea haraka mazingira mapya.

Barca wameingia katika wiki ya El Classico wakiwa katika fomu nzuri wakiwa hawajapoteza katika michezo 11 iliyopita kwenye mashindano yote.