Kocha wa Barcelona Xavi akimpa maelekezo Ansu Fati
Kocha wa klabu ya Barcelona Xavi Hernandez anaamini kua nyota wa klabu hiyo Ansu Fati atageuka na kuanza kufanya vizuri kama staa wa klabu ya Manchester United Marcus Rashford.
Kinda Ansu fati ambaye ametoka kwenye akademi ya klabu ya Barcelona inayofahamika kama La Masia amekua akiandamwa na majeraha sana , Huku akishindwa kuonesha uwezo wa hali ya juu kama ambavyo aliuonesha kwa msimu wa kwanza kupata nafasi ndani ya timu hiyo.
Kocha Xavi alipoulizwa kama Ansu Fati ataweza kufikia ubora wa Rashford alijibu “Anaweza kua hivyo ni wazi tuna matumaini makubwa naye. Tutampa ujasiri utendaji utaashiria maendeleo yake na atakuwa muhimu” Kocha huyo anaamini ubora wa mchezaji wake huyo utaimarika tu.
Kocha Xavi anaamini mchezaji wake Ansu Fati anaweza kua bora licha ya majeraha yanayomuandama, Kwani mchezaji Marcus Rashford amekua kwenye ubora msimu huu lakini alipitia kipindi kigumu msimu uliomalizika na kuweza kurejea kwenye ubora wake ambao unaonekana kwasasa.
Mshambuliaji Ansu Fati amekua akipata mapingamizi kutokana na kiwango chake kutokua kizuri kama ambavyo alitarajiwa mwanzo, Lakini Xavi Hernandez kocha wake ni miongoni mw watu wachache ambao bado wana imani kubwa na mchezaji huyo.