Wydad waipiga simba mkwara mzito

Mlinda lango wa klabu ya Wydad AC Youssef El Motie kuelekea katika mchezo wao dhidi ya Simba hapo kesho amesema kuwa wao kila wanapoelekea huwa wanakuwa na mashabiki wengi uwanjani.

El Motie amesema kuwa Wydad AC ina mashabiki wengi kila ukanda wa Afrika kuliko ilivyo kwa Simba, hata hivyo amesema kuwa wao kama Wydad AC hawajawahi kuwaogopa mashabiki wa timu pinzani.

El Motie ameeleza kuwa kitu pekee walichokifata hapa Tanzania ni ushindi bila kujali wingi wa mashabiki wao watakaojitokeza uwanjani kwani mashabiki waliopo hapa Tanzania na wale wa Morocco watakuwepo kuwashangilia.

"Sisi Wydad tuna Mashabiki kila ukanda wa Afrika, Tofauti na ilivyo kwa Simba SC.

Tunaweza kucheza mechi Algeria na bado tukapata mashabiki wa kutupa sapoti, hatujawahi kuogopa mashabiki wa wapinzani wetu na ndio maana msimu huu tumecheza mechi za AFL kule Nigeria na Afrika Kusini na kote tulishangiliwa".

"Tumekuja kutafuta alama Tatu hapa Tanzania hilo ndio la muhimu na kuhusu wingi wa mashabiki wa simba kuwepo kesho hilo halitoweza kutusumbua kwani hata sisi mashabiki wetu kutoka hapa Tanzania na Morocco watakuwepo kutupa sapoti, hatuogopi".

Golikipa wa Wydad AC, Youssef El Motie kuelekea mchezo wa Ligi ya Mabingwa Afrika kesho dhidi ya Simba SC.

Mchezo huu unakuwa kama mchezo wa fainali kwa maana kila timu itakuwa inatafuta alama za kuwapa ahueni ya kuona wana nafasi ya kifuzu hatua ya robo fainali ya Ligi ya mabingwa Afrika.

Timu itakayofungwa katika mchezo huu itakuwa na hali mbaya zaidi kwenye msimamo na itakuwa na nafasi finyu kutoka Kundi B.