Wout Weghorst amshukuru ten Hag

Mshambuliaji wa klabu ya Manchester United Wout Weghorst amemshukuru kocha wa klabu ya hiyo Erik Ten Hag baada ya kupata nafasi mara kwa mara kwenye kikosi cha Manchester United tangu ajiunge klabuni hapo.

Mshambuliaji Weghorst anaamini anafanya vizuri ndani ya klabu ya Manchester United tangu ajiunge klabuni hapo mwezi Januari mwaka huu, Mchezaji huyo amekua akifanya kazi kubwa kwenye safu ya ushambuliaji ya klabu hiyo chini ya kocha Ten Hag.

Mshambuliaji huyo wa kimataifa wa Uholanzi amehusika kwenye magoli 5 akifunga mawili na kupiga pasi tatu za mabao, Huku akiwa ameanza michezo 18 ndani ya timu hiyo tangu ajiunge klabuni hapo lakini mchezaji huyo amekua akisifika kutokana na kujituma kwake mara nyingi anapokua uwanjani.

Mshambuliaji Weghorst amesema yupo kwenye klabu hiyo kuhakikisha anaisaidia kutwaa mataji ambayo mpaka sasa wameshabeba taji moja, Huku FA na Europa league wakiwa hatua nzuri, Lakini shukrani kubwa kazipeleka kwa kocha Ten Hag kwa kuonesha imani kubwa kwake na kuamini anaweza kuisaidia timu hiyo.

Mshambuliaji huyo alikua akipokea lawama kwa kiwango kikubwa alipojiunga klabuni hapo kutokana na ukame wake wa mabao, Lakini kwasasa mashabiki wa klabu hiyo wameacha kumbeza na kusifu kazi kubwa anayoifanya mchezaji huyo ndani ya timu hiyo.