Wolves wamtema Julen Lopetegui

Klabu ya Wolves imefikia makubaliano ya kuachana na kocha wa zamani wa Real Madrid, Julen Lopetegui kwa makubaliano ya pande zote ikiwa ni miezi 9 tu tangu ashike hatamu ya kukinoa kikosi hicho.

Kocha wa zamani wa Bournemouth Gary O'Neil yupo ukingoni kuteuliwa kuchukua mikoba ya Lopetegui (56) raia wa Uhispania.

O'Neil aliiongoza Bournemouth kuepuka kushuka daraja Ligi Kuu England msimu uliopita na kumaliza katika nafasi ya 15 lakini alifutwa kazi mwezi Juni huku nafasi yake ikichukuliwa na Andoni Iraola, aliyeiongoza klabu ya Rayo Vallecano kumaliza nafasi ya 11 kwenye msimamo wa La Liga msimu uliopita.