Watakaoshushwa Yanga ni hawa

Meneja wa habari na mawasiliano Klabu ya Yanga, Ally Kamwe ametamba kuwa katika usajili wa dirisha hili watashusha wachezaji bora na wenye majina makubwa.

Yanga bado haijaanza kutangaza majina ya wachezaji wapya ambao wamesajiliwa kwa ajili ya msimu ujao wala wachezaji watakaoachwa kwenye kikosi hicho.

“Niwaambie tu kama alivyosema Raisi wa Yanga Injinia Hersi Said, msimu ujao tumeweka malengo makubwa hasa kufanya vizuri katika michuano ya ligi ya mabingwa.

“Lakini pia tutafanya maboresho ambayo yataendana na mahitaji ya malengo tuliyoweka msimu ujao, katika usajili uliopita tulileta wachezaji wenye 'quality' lakini hawakuwa na majina makubwa, safari hii tutashusha wachezaji wenye 'quality' lakini pia wenye majina makubwa,” amesema Ally Kamwe.