Wapinzani wa Singida BS waanza kibabe Ligi kuu Misri

Klabu ya Future FC, Misri ambayo ni wapinzani wa SingidaFountain Big Star kimataifa katika mashindano ya Kombe la Shirikisho Afrika wameanza ligi kuu ya Misri vyema kwa ushindi wa mabao 2-0 dhidi ya Pharco Fc

Mabao ya Ahmed Atef (45+') na Mahmoud Rizk (69') yameifanya timu hiyo kuwa katika nafasi ya nne ya msimamo wa ligi kuu Misri wakiwa na point tatu wakitofautiana idadi ya mabao kwa anayeshika nafasi ya kwanza Al Ahly, Baladeyet na El Gaish nafasi ya tatu.

Wakati Future wakishinda chezo wa kwanza wa ligi, Singida Big Stars Jana wao wamepoteza mchezo wa tatu wa Ligi dhidi ya Azam FC kwa mabao 2-1.

Licha ya kucheza michezo mitatu ya ligi Singida hawajashinda mchezo wowote huku wakitoa suluhu dhidi ya Tabora united na Tanzania Prison.

Aidha future watacheza mchezo mwingine wa ligi dhidi ya El Dakhleya Septemba 26, kabla ya kuivaa Singida katika mchezo wa marudiano Kombe la shirikisho Afrika, Oktoba 01 katika uwanja wa Al-Salam Cairo.