Wananchi kuanza kazi rasmi ya kutetea ubingwa wao leo

Ligi Kuu ya soka ya NBC Tanzania bara inaendelea tena leo Agosti 23 kwa mchezo mmoja ambapo Wananchi Young Africans SC watakuwa wanaanza Ligi ikiwa ndio mchezo wao wa kwanza wa Ligi Kuu ya NBC 2023/24.

Yanga SC vs KMC FC

Dimba: Azam Complex, Chamazi

Muda ⏰: Saa 1:00 jioni

Kuelekea mchezo wa leo, kocha Mkuu wa Yanga, Miguel Angel Gamondi amewaahidi Wananchi soka safi huku lengo likiwa kushinda mchezo wa leo.

"Ni mchezo wetu wa kwanza wa ligi na matarajio yetu ni kushinda,kwa timu kama Yanga kila mechi matarajio yetu ni ushindi

"Tunafahamu kuna upinzani mkubwa kutoka kwa KMC, lakini tutapambana ili kuanza vyema ili tutimize malengo yetu ya Ubingwa," Kocha Gamondi

“Tunahitaji Kucheza Soka Safi na Kushinda Hilo Ndilo Lengo Letu, Yanga ni timu kubwa na ipo juu kwenye viwango vya ubora wa vilabu Afrika, wapinzani wetu wanapaswa kutuheshimu nasi tunawaheshimu Pia” amesema Gamondi.

Naye kocha wa KMC, Abdihamid Moallin amesema wanaenda kucheza na timu ngumu hivyo wanapaswa kuwa bora ili kupata matokeo.

“Tunaenda kucheza na Yanga ambayo ni timu ngumu kupata matokeo, ni Mabingwa wa Ligi msimu uliopita na wanafanya vyema kimataifa.

“Kwetu KMC tunatakiwa kuwa bora dhidi yao ili kupata matokeo, kikubwa ni kufocus zaidi na mchezo ili tuweze kupata matokeo Mazuri” Abdihamid Moallin kocha wa KMC