Tottenham wakubwa na Janga la Corona
Kocha wa Tottenham, Antonio Conte amesema alikumbwa na uoga baada ya kuona kikosi chake kikienda kwenye mchezo wao wa Michuano ya Uropa huku wachezaji nane na staff watano wakikutwa na virusi vya Corona.
Shirikisho la Soka Barani Ulaya UEFA limesema mchezo baina ya Tottenham dhidi ya Rennes umeahirishwa licha ya hapo awali kusema kuwa ratiba ya mchezo huo itaendelea kama ilivyopangwa.
Tottenham vile vile wameshauriwa kufunga sehemu ya kufanyia mazoezi ya kikosi cha kwanza kwa usalama wa wachezaji na staff wa timu hiyo ya London. Lakini maeneo mengine ya mazoezi yataendelea kufanya kazi na kutumika kama kawaida.
Aidha Tottenham siku ya Jumapili wanakutana na Brighton na haijafahamika kama wamewasiliana na Viongozi wa EPL kujua hatma ya mchezo huo.