Wachezaji Man United wajitoa Timu ya Taifa

Mshambuliaji wa Manchester United Rasmus Hojlund na Kiungo Christian Eriksen wamejiondoa kwenye kikosi cha Denmark sababu kubwa ni majeraha.

Wawili hao walijeruhiwa na kulazimika kutoka wakati wa ushindi wa 1-0 wa Ligi Kuu dhidi ya Luton Town siku ya Jumamosi.

Kiungo Eriksen alionekana kuwa na tatizo la goti na alitoka nje baada ya mapumziko, kabla ya Hojlund kufanyiwa mabadiliko zikiwa zimesalia dakika 11 baada ya kuonekana akishika sehemu ya nyuma ya mguu wake wa kulia.