Wachezaji 6 huru ambao Man U inaweza kuwapata

Awamu ya kwanza ya ujenzi wa kocha, Erik ten Hag katika timu ya Manchester United ulikwenda vizuri sana.

Raia huyo wa Uholanzi alirekebisha vizuri kikosi na kuingiza mtindo wa uchezaji wa kuvutia ambao ulileta matokeo thabiti, lakini bado kuna kazi ya kufanywa katika dirisha la usajili la majira ya joto na linawakilisha fursa nzuri ya kuendelea kukijenga kikosi.

Huku wengi wakiwa wanapatikana kwa bei ghali, Man United inaweza kulazimika kuwa wabunifu kidogo wanapotafuta kuziba baadhi ya mashimo kwenye kikosi chao.

Kwa kuzingatia hilo, hapa kuna baadhi ya wachezaji 6 ambao wapo huru na Man United wanapaswa kuwaangalia ili kuokoa fedha.

1. Marcus Thuram - Borussia Monchengladbach

Mpango wa Man United wa kupata mshambuliaji mpya limekuwa jambo la wazi kwa muda mrefu. Anthony Martial sio mtu wa Ten Hag na mkopo wa Januari wa Wout Weghorst pia haukuweza kutatua tatizo.

Harry Kane, ambaye anaonekana kutoweza kufikiwa, na wachezaji wawili wa bei ghali Victor Osimhen wa Napoli na Randal Kolo Muani wa Eintracht Frankfurt wote wanazingatiwa, lakini kuna mfungaji aliyethibitishwa uwezo wake anayesubiri kusajiliwa bila malipo, Marcus Thuram.

Thuram anayecheza kama winga, alifunga mabao 16 na asisti saba katika mashindano yote. Ongeza kwa hakika ana umri wa miaka 25 tu na utaona ni kwa nini timu nyingi kubwa za Ulaya zinamfuatilia Mfaransa huyo.

2. Stefan de Vrij - Inter Milan

Inter Milan wamekuwa wakijaribu kumfunga beki wa kati wa Uholanzi, Stefan de Vrij kwa mkataba mpya kwa miezi kadhaa, lakini kwa sababu yoyote ile, bado wanasubiri.

Akiwa na umri wa miaka 31, De Vrij anaweza kutokuwa chaguo la muda mrefu kwa Man United, lakini anaweza kuwa mchezaji mwenye uzoefu ili kuwasaidia, Lisandro Martinez na Raphael Varane, huku akimruhusu mmoja kati ya Victor Lindelof au Harry Maguire kuondoka klabuni hapo.

Akiwa na takriban mechi 500 za kiwango cha juu kwa jina lake, De Vrij analeta hekima na uzoefu, na hilo linaweza kuwa kubwa kwa Mholanzi mwenzake Ten Hag anapoendelea kujenga utamaduni mpya pale Old Trafford.

3. Evan Ndicka - Eintracht Frankfurt

Ikiwa Ten Hag anapendelea kuimarisha safu yake ya nyuma, hatapata bora kwenye kundi la wachezaji waliopo huru kama Evan Ndicka.

Akiwa na umri wa miaka 23 pekee, Ndicka alikaribia kucheza mechi 200 akiwa Frankfurt kabla ya kuchagua kupeleka kipaji chake kwingine msimu huu wa joto. Haishangazi, kuna klabu nyingi zinazomtaka beki huyo ambaye uwezo wake wa mguu wa kushoto unamfanya kuwa wa thamani zaidi.

Ikiwa yuko tayari kwa jukumu la kuanza mara moja au la ni mjadala, lakini Ndicka anaonekana kama nyota anayesubiriwa na Man United ingekuwa busara wangejitosa kumnasa.

4. Youri Tielemans - Leicester

Uzoefu wa kwenye Ligi Kuu ya England unaonekana kuwa wa thamani zaidi katika mchezo wa leo, wakati bidhaa ghali kutoka nje zinaposhindwa kuzoea maisha ya ligi hiyo.

Ingawa wakati wa Youri Tielemans ulimalizika kwa dosari mbaya, ni wachache ambao wanaamini kuwa kuanguka kwake na Leicester ni onesho la kipaji chake.

Wakati Leicester City walipokuwa kwenye kiwango bora miaka michache iliyopita, Tielemans alionekana kama mmoja wa viungo bora katika kitengo hicho. Inaweza kuwa hatari kidogo kumchukua, lakini ikiwa kujiamini ndiko kulikokosekana kwenye mchezo wake, basi anaweza kuisaidia klabu hiyo. Unaweza kumuita Christian Eriksen mdogo.

5. Adrien Rabiot - Juventus

Adrien Rabiot amegawanyika kimaoni katika klabu ya Juventus. Ingawa wengine wametilia shaka uthabiti wake, wengine wameelekeza sura yake ya nyati na uwezo wake wa kubeba mpira kwa kipaji chake maalum alichokuwa nacho mchezaji huyo mwenye umri wa miaka 28.

Akiwa na kiwango kizuri zaidi cha ushambuliaji, Rabiot anaweza kufunga mabao na kuwatengenezea wale wanaomzunguka. Anapopata nafasi yake, ni vigumu sana kusimama - tofauti na kiungo mwingine Mfaransa ambaye alikuwa akiita Old Trafford nyumbani.

United wanahitaji usaidizi katika eneo la kiungo na uhamisho wa Marcel Sabitzer wa Januari ulipaswa kuongeza ustadi na makali kwenye eneo hilo la uwanja. Kuchukua nafasi kwa Rabiot kunaweza kuwa nafasi nzuri zaidi.

6. Wilfried Zaha - Crystal Palace

Wilfried Zaha, kama United tayari wanajua, ni fowadi hodari ambaye anaweza kucheza popote katika safu ya ushambuliaji na anajua jinsi ya kuleta mabadiliko ya kweli katika Ligi Kuu ya England.

Anaanza na Marcus Rashford? Hapana. Je, anaweza kuwasaidia Jadon Sancho, Antony na Alejandro Garnacho kukua hadi kufikia kiwango cha juu zaidi katika uchezaji wao kama nyota wasaidizi? Kwa uhakika kabisa.