Wachambuzi wapishana Yanga vs Azam FC

Wachambuzi wa Soka kupitia kituo cha Radio cha EFM, Wilson Oruma na Ibrahim Maestro wamepishana katika uchambuzi wao kuelekea mchezo wa nusu fainali ya kwanza ya Ngao ya Jamii kati ya Yanga na Azam FC.

Mchezo huo utapigwa leo katika Dimba la CCM Mkwakwani Tanga huku Yanga wakiwa na rekodi nzuri ya kuifunga Azam mara nyingi zaidi katika michuano mbalimbali.

Mchambuzi wa Efm Radio, Wilson Oruma anasema; "Nawapa nafasi kubwa kushinda Azam FC, Azam ni favorite kwangu Yanga anaingia kama underdog. Yes. Yanga benchi lao la ufundi ni jipya.

"Azam wamefanya pre-season nzuri nje ya Nchi, pia wana maingizo machache yenye quality, mchezaji kama Feisal haitaji kuzoea, kwa sababu hizo Azam ni favorite Yanga ni underdog," amesema Wilson Oruma.

Mchambuzi wa Efm Radio, Ibrahim Maestro anasema; "Mimi niko tofauti kabisa na Oruma, Yanga ni timu iliyochangamka sana, kuna maingizo mapya lakini uti wa mgongo wao bado upo. Kuhusu pre-season.

"Msimu uliopita Yanga si walifanya palepale Avic Town na makombe yote wakachukua na wakaenda hadi fainali CAF. Azam FC wanapokutana na Yanga wanastrugle, Yanga wanakasi na desire ya ushindi tofauti na Azam. Siwadharau Azam nafasi kubwa ya ushindi nawapa Yanga."