Vipers ni kama Simba tu huko Uganda

Wakati Mnyama akiambulia sare ya 1-1 dhidi ya Azam FC Benjamin Mkapa mchezo wa Ligi Kuu huko nchini Uganda nako wapinzani wa Simba kwenye Michuano ya Ligi ya Mabingwa Afrika Klabu ya Vipers hapo jana ililazimishwa sare tasa ya 0-0 mbele ya Wakiso Giants F.C.

Vipers FC iliyopo kwenye nafasi ya tatu (3) ya Msimamo wa Ligi Kuu nchini Uganda iliambulia sare hiyo wakiwa nyumbani na sasa wamekusanya jumla ya point 28 huku vinara timu ya Kampala City wakiwa na alama 32.

Simba watakuwa ugenini nchini Uganda kuwakabili Vipers FC mchezo wa Kundi C wa Ligi ya Mabingwa Afrika Jumamosi ya Februari 25, huku mwenyeji akiwa tayari ana alama moja mkononi kwenye msimamo ukilinganisha na Mnyama ambaye mpaka sasa hana alama.