Vinicius Jr ashinda tuzo ya Socrates

Winga wa Real Madrid, Vinicius Junior ametwaa tuzo ya Socrates kwa mapambano yake dhidi ya ubaguzi wa rangi pamoja na mchango wake wa hisani kwa jamii. Vini Jr ni mwanzilishi wa Taasisi ya Vini Jr, ya maombi ya elimu kwa wanafunzi wasio na uwezo.

Mnamo 2022, uwekezaji wa Vinicius ulifikia euro 335,000, ulizidi euro milioni 1 mnamo 2023, na utafikia euro milioni 2.5 mnamo 2024.

Itakumbukwa tuzo hii ilichukuliwa na Sadio Mane mnamo 2022 kwa kujitolea kwake kwa jamii ambapo alijitolea katika ujenzi wa hospitali katika kijiji chake cha utotoni huko Senegal sambamba na kusaidia timu za mpira wa miguu za vijana, haswa kwa wasichana, ili kuwapa fursa sawa ya michezo.