Viingilio Yanga vs Mashujaa FC hivi hapa

Kesho Alhamisi, Februari 8, 2023, Kikosi cha Timu ya Young Africans SC itashuka dimbani kupambana na Mashujaa FC katika mchezo wa Ligi Kuu ya NBC.

Viingilio vya mchezo huo utakaopigwa kwenye Uwanja wa Azam Complex, Dar es Salaam kuanzia saa 1:00 usiku, tayari vimetajwa na tiketi zimeshaanza kuuzwa.

Kwa kiingilio cha Tsh 20,000 utashuhudia mchezo huo ukiwa Jukwaa la V.I.P A, huku V.I.P B ikiwa Tsh 10,000 na Mzunguko Tsh 5,000.

Young Africans SC itaingia uwanjani kesho ikiwa kileleni mwa msimamo wa Ligi Kuu ya NBC baada ya kukusanya pointi 34 katika michezo 13.