Viingilio Yanga vs Hausung hivi hapa

Viingilio vya mechi ya Kombe la Shirikisho la Azam Sports (ASFC) kari ya Yanga Sc dhidi ya Hausung FC ya Njombe, vimetajwa, huku cha chini zaidi kikiwa ni Tsh 5,000.

Mchezo huo wa raundi ya pili ambao Young Africans SC watakuwa wenyeji, unatarajiwa kuchezwa Januari 30, 2024, saa 1:00 usiku kwenye Uwanja wa Azam Complex, Dar es Salaam.

Viingilio vya mchezo huo ni; V.I.P A Tsh 20,000, V.I.P B Tsh 10,000 na Jukwaa la Mzunguko Tsh 5,000.

Ikumbukwe kuwa Young Africans SC wataingia uwanjani katika mchezo huo wakiwa ni mabingwa watetezi wa michuano hiyo.