Mashabiki waliojitokeza kwa wingi wakiwa kwenye foleni ya kuingia Uwanjani
Zikiwa zimesalia saa nne kupigwa kwa mtanange mkali wa kukata na shoka kati ya Polisi Tanzania dhidi ya Simba SC mashabiki wa Simba wamejitokeza kwa wingi mapema katika uwanja wa Ushirika mjini Moshi kutoa sapoti kwa timu yao.
Kujitokeza kwa wingi kwa mashabiki hao inachagizwa na matokeo mazuri ambayo Simba imeendelea kupata katika mechi zake za ligi lakini pia Mashindano ya kombe la shirikisho Afrika.
Umati mkubwa wa mashabiki wa Simba wamejitokeza mapema tu kakata tiketi ili kupata nafasi ya kushuudia timu yao ikimenyana na Maafande.
Samwel Gerald ni shabiki wa Simba anasema matumaini yao kushinda katika mchezo wa Leo ni makubwa kutokana na ubora wa kikosi chao lakini pia matokeo mazuri ambayo wamekuwa wakipata dhidi ya Polisi Tanzania FC.
Anasema anajua Polisi wanataka kushinda lakini wao wanahitaji zaidi matokeo ili kupunguza tofauti ya alama dhidi ya watani wao Yanga hivyo hana wasiwasi hata kidogo anajua lazima watachukua alama tatu.
Katika msimamo wa ligi kuu Bara, Polisi Tanzania FC inashika nafasi ya tisa kwa alama 23 huku Simba ikishika nafasi ya Pili kwa alama 40.timu zote zimecheza michezo 18 hadi sasa