Umaarufu wa Ronaldo! Al-Nassr yasitisha mazoezi

Klabu ya Al-Nassr ililazimika kusitisha mazoezi yao ya leo Jumatatu Septemba 18 nchini Iran kufuatia umati mkubwa wa watu uliofurika kwa lengo la kumuona nyota Cristiano Ronaldo.

Mamia ya mashabiki wa soka wa Iran walifurika na kulikimbiza basi la Al-Nassr huku baadhi wakipanda Mlima hadi kufika katika Hoteli ilipokuwa Klabu hiyo huko Tehran kabla ya mazoezi.

Ronaldo aliwasili kwa mara ya kwanza nchini humo akiwa na klabu hiyo ya soka ya Saudia, ambayo inatarajiwa kucheza na Persepolis F.C ya Iran, mjini Tehran Septemba 19. Mechi ya kwanza ya AFC Champions League.

Mchezo huo, utapigwa Azadi Stadium wenye uwezo wa kuchukua watazamani zaidi ya 78K, huku mchezo wa marudiano umepangwa kuchezwa Novemba 27, katika mji Mkuu wa Saudi, Riyadh.