Twiga Stars yafuzu WAFCON

Timu ya Taifa ya Soka ya Wanawake (Twiga Stars) imefuzu Michuano ya Afrika kwa Wanawake (WAFCON 2024) inayotarajiwa kufanyika nchini Morocco.

Twiga imepata mafanikio hayo licha ya kufungwa magoli 2-0 na Togo katika mchezo wa marudio jana Desemba 5, 2023 lakini katika matokeo ya jumla Twiga imeshinda 3-2.

Twiga ilishiriki WAFCON kwa mara ya mwisho Mwaka 2010 nchini Afrika Kusini.