Kikosi cha Twiga Stars kitapambana na Zambia Nusu Fainali COSAFA
Kikosi cha Twiga Stars kimetinga hatua ya Nusu Fainali ya michuano ya COSAFA WOMENS CHAMPIONSHIP 2021 yanayoendelea nchini Afrika ya Kusini.
Twiga Stars itakutana na Zambia katika mchezo wa Nusu Fainali utakaopigwa katika dimba la Nelson Mandela Bay Oktoba 7.
Akiuzungumzia mchezo huo, kocha wa Twiga Stars Bakari Shime "Mchawi mweusi" amesema;
"Kwanza tunamshukuru mungu tumemaliza hatua ya kwanza, tunakwenda hatua ya pili na tunakutana na Zambia, Sisi na Zambia tumekuwa na upinzani mkubwa kwenye mashindano haya" amesema Shime
"Mechi itakua ngumu lakini nzuri kwa sababu unapokutana na mkubwa lazima na wewe uoneshe ubora wako".
"Tumejiandaa vizuri kisaikolojia na utimamu wa mwili kuelekea mechi hii na tunaamini matokeo yatakua mazuri upande wetu."
Twiga Stars na Zambia zote hazijapoteza mchezo katika hatua ya makundi na wanakutana hatua ya nusu fainali