Timu ya Taifa ya Wanawake "Twiga Stars"
Kikosi cha Timu ya Taifa ya Wanawake "Twiga Stars" leo Oktoba 20 kinashuka dimbani kukipiga dhidi ya timu ya taifa ya Namibia katika mchezo wa kuwania kufuzu kwa AFCON.
Twiga Stars itacheza mchezo wake wa kwanza katika uwanja wa Mkapa, na Oktoba 23, itakuwa ugenini katika mchezo wa marudiano.
Akizungumza kuelekea mchezo huo mwalimu wa Twiga, Bakari Shime (Mchawi mweusi) amesema;
"Tumeajiandaa vizuri, wasichana wako vizuri kama unavyojua tumetoka kwenye mashindano hivi karibuni na tuna wiki moja tu tangu tuwasili hapa"
"Kikubwa tunachotazama ni ushindi, japokuwa ni kazi ngumu kidogo kwani wao pia wanataka kushinda, Namibia ni timu nzuri na wametufatilia kwa karibu, wametusoma tunavyocheza kwenye mashindano kwa kuwa tulikua nao pamoja kwenye mashindano" amesema Shime.
Twiga Stars itacheza mchezo wake wa kwanza majira ya Saa 10:00 jioni na amewataka watanzania kuiunga mkono kwani wana uhakika watakwenda kuliwakilisha Taifa.