Twiga Stars haikamatiki COSAFA, yashinda 3

Timu ya Taifa ya Wanawake "Twiga Stars" haikamatiki baada ya kuibuka na ushindi wa goli 3-0 dhidi ya Sudan Kusini katika mchezo wa kukamilisha ratiba kundi B, Michuano ya COSAFA WOMEN'S CHAMPIONSHIP 2021 inayoendelea nchini Afrika ya Kusini.

Mchezo huo umepigwa katika uwanja wa Chuo Kikuu cha Nelson Mandela umeshuhudia ukiwa na ushindani kutoka timu zote na mpaka timu hizo zinakwenda mapumziko hakuna timu iliyofanikiwa kuona lango la mwenzake.

Twiga Stars tayari imekwishafuzu kwa hatua ya nusu fainali, na inashiriki mashindano hayo kama mualikwa.

Magoli ya Twiga Stars katika mchezo huo yamefungwa na Stumai Athuman kipindi cha pili.