Tunapata tabu kuchagua waamuzi mechi kubwa
Mwenyekiti wa kamati ya waamuzi Tanzania Nassor Hamdun ameweka wazi kuwa huwa wanapata tabu sana kuchagua waamuzi wa kuchezesha michezo mikubwa kutokana na uwepo wa waamuzi wengi wenye uwezo mkubwa.
Nassor pia ameweka wazi kuwa ujio wa marefa kutoka Sudan utawapa nafasi nzuri ya kuwatumia kuchezesha michezo mikubwa kama ambavyo watapangwa kwenye ratiba.
"Ni kweli tunapata tabu kuchagua waamuzi kwenye mechi kubwa, lakini sio kama unavyofikiria, watatupa uwanda mkubwa wa kuchagua waamuzi sasa." - Nassor Hamdun.
Hamdun ameeleza kuwa waamuzi hao wataanza kazi rasmi baada ya kutoka kwenye kozi maalumu ya CAF ambayo kwasasa wanasoma.
Klabu ya Al Hilala pia itashiriki kwenye mechi za Ligi kuu kandanda Tanzania Bara msimu ujao, ikiwa ni sehemu ya kikosi chao kukiandaa vyema kuelekea kwenye michezo ya Ligi ya mabingwa Barani Afrika.
Ujio wa waamuzi kutoka Sudan utaleta chachu ya kufanya vizuri zaidi kwa waamuzi kutoka Tanzania?