Tumeridhishwa na matokeo mchezo wa robo fainali-Simba

Klabu ya Simba SC, imesema imeridhishwa na mchezo wa Nusu Fainali dhidi ya Wydad uliochezwa usiku wa kuamkia leo Aprili 29, 2023 nchini Morocco.

Akizungumza moja kwa moja akiwa nchini humo, Meneja wa Habari na Mawasiliano wa Simba SC, Ahmed Ally amesema wanatoa pole kwa mashabiki kwa matokeo ambayo walikuwa hawajayatarajia lakini watajipanga zaidi kwani wameona kinachohitajika.

"Sisi kama Simba tumeridhika na matokeo. Haikuwa lengo letu, tulipanga msimu huu tufike nusu fainali Klabu Bingwa Afrika lakini hatujafanikia. Kila mmoja ameona mchezo tuliocheza, dunia imeona.

"Tutajipanga vizuri, maeneo ambayo yana upungufu mwalimu ameona na atayafanyia kazi msimu unaokuja," alisema Ahmed.