Chelsea waliibuka na nushindi na kufuzu kwa hatua ya Nusu Fainali
Meneja wa Chelsea, Thomas Tuchel amesema amefurahishwa na kiwango alichoonyesha kipa wake namba mbili, Kepa Arrizabalaga katika mchezo wa robo fainali ya Carabao Cup dhidi ya Brentford.
Goli la kwanza la kujifunga la Pontus Jonsson liliwapa Chelsea uongozi katika dakika ya 80 ya mchezo kabla ya Jorginho kuongeza goli la pili kwa mkwaju wa penati katika dakika ya 85.
“Nimefurahishwa sana na kiwango kilichoonyeshwa na Kepa,” alisema Tuchel baada ya mchezo.
“Sijashangazwa kwasababu yupo hivyo, katika akili ya mtu na mwanamichezo anayewajibika kwasababu hicho ndicho anachokiweza zaidi na hichi ndicho anachofanya kila siku mazoezini na amepata matokeo yake.
“Naamini hiyo ni sababu kubwa ya kuwa katika kiwango hichi. Nina furaha sana. Tunamuhitaji katika kiwango hichi.” aliongeza Tuchel.
Kepa amecheza katika mizunguko yote mitatu ya kombe la EFL mpaka sasa, wakati Kipa namba moja Eduard Mendy akiwa chaguo la kwanza katika mechi za ligi.