Try Again: Mohammed Dewji bado yupo sana Simba SC

Mwenyekiti wa Bodi ya Wakurugenzi ya Klabu ya Simba, Salim Abdallah TryAgain amesema Rais wa heshima wa Klabu hiyo na Mfanyabiashara Mohammed Dewji bado yupo sana Simba na ataendelea kuwepo.

TryAgain ameyasema hayo kwenye Viwanja vya Leaders kwenye hafla ya uzinduzi wa ushirikiano baina ya Simba na CRDB unaolenga kutengeza Akaunti za mashabiki

“Mohammed Dewji bado yupo sana Simba na ataendelea kuwepo.” – Salim Abdallah Tryagain- Mwenyekiti wa Bodi ya Wakurugenzi Simba

Hapo Jana, Mohammed Dewji aliandika kwenye mtandao ya kijamii wa Twitter akionyesha kukaribia kukata tamaa kufuatia mchakato wa mabadiliko wa klabu hiyo kutokukamilika hadi huu ni mwaka wa sita.

Mo aliandika hayo kupitia ukurasa wake wa twitter “Transformation ya Simba bado haijakamilika huu ni mwaka wa 6, karibuni ntakata tamaa” licha ya baadae kufuta chapisho hilo