Timu ya Harambee stars ya Kenya yaicharaza Sychelles 5-0

Harambee Stars iliandikisha ushindi wake mkubwa zaidi katika mechi za kufuzu kwa Kombe la Dunia ilipoizaba Ushelisheli mabao 5-0 Jumatatu usiku na kurudisha kampeni yao kwenye ushindani mzuri.

Ilikuwa mechi ya upande mmoja huku Ushelisheli wakishambulia kwa shida lakini Kenya bado iliacha mengi ya kuhitajika kufanywa licha ya ushindi huo mkubwa.

Vijana wa Engin Firat walimiliki mpira kwa uzembe huku washambuliaji Masoud Juma na Michael Olunga wakikosa nafasi kubwa licha ya kupata bao.

Hata hivyo, ilikuwa siku nzuri kwa wachezaji wawili wa Gor Mahia Rooney Onyango, ambaye anaendelea kung'ara, na Benson Omala, ambaye alionyesha ni kwa nini anakadiriwa kuwa juu kimchezo.