Timu nne zafuzu hatua ya mtoano Ligi ya Mabingwa Ulaya

Timu nne kutoka mataifa manne tofauti zimefanikiwa kwenda hatua ya mtoano Ligi ya Mabingwa barani Ulaya ambazo mechi zake kwa mzunguko wa nne zimekamilika usiku wa jana.

Timu hizo ni zile zilizofanikiwa kushinda michezo yake minne ya hatua ya makundi na kufikisha alama 12.

Liverpool kutoka England, Bayern Munich kutoka Ujerumani, Ajax kutoka nchini Uholanzi na Kibibi kizee cha Turin, klabu ya Juventus ndio timu zilizojihakikishia kufuzu kwa hatua inayofuata.