Timu 9 kuchuana Mbeya Super Cup

Zaidi ya timu tisa zikiwamo sita kutoka Zambia na Malawi zitachuana vikali kwenye michuano ya Mbeya Super Cup inayoanza Julai 18, mwaka huu.

Michuano hiyo ambayo ni mwendelezo wake, inasimamiwa na ofisi ya Mkuu wa Mkoa wa Mbeya, ikilenga kuibua vipaji na kutoa fursa kwa vijana kipindi hiki cha usajili.

Mkuu wa Mkoa wa Mbeya, Juma Homera amesema kuwa kuanza kwa michuano hiyo ni maandalizi ya Mbeya pre-season itakayoshirikisha timu za mkoani humo zikiwamo Prisons, Ihefu, Mbeya City, Ken Gold na Mbeya Kwanza zinazojiandaa na msimu ujao.