Meneja wa Chelsea, Thomas Tuchel
Meneja wa Chelsea amekiri kuwa kutokana na changamoto kadhaa, ni ujinga kudhani kuwa kikosi chake Chelsea kinaweza kutwaa taji msimu huu.
Chelsea waliruhusu goli la kusawazisha dhidi ya Brighton dakika ya 91 Jumatano, huku Reece James na Andreas Christensen wakiungana na orodha ndefu ya majeruhi kwa klabu.
Kwa sasa, Chelsea wapo nyuma ya vinara wa Ligi Kuu Uingereza Manchester City kwa pointi nane, na matumaini ya mbio za ubingwa yanayoyoma kwa sababu ya changamoto za Covid-19 na orodha kubwa ya majeraha ya wachezaji muhimu walionao.
Akizungumzia juu ya matumaini ya Chelsea kwenye mbio za ubingwa, Tuchel anasema kuwa ni ujinga kufikiria klabu hiyo inaweza kutwaa ubingwa kwa mwaka huu.
“Tunaweza kuwa wajinga kufikiri tunaweza kwa changamoto ya Covid na majeruhi. Ni kucheza tu, kila mtu anaweza kuwa mjinga kudhani unaweza kufanya hivyo bila wachezaji 23 ambao wana majeraha.” – Thomas Tuchel