Thobias Kifaru ndiye msemaji wa muda wote Ligi Kuu Bara - Mchambuzi

Mchambuzi wa masuala ya soka nchini kutoka East Africa Radio, Samwel Rashid maarufu kama Wakanda Republic amedai kuwa Ofisa Habari wa Mtibwa Sugar, Thobias Kifaru Ligalambwike ndiye msemaji wa muda wote wa Ligi Kuu Tanzania Bara.

Wqakanda amesema kuwa, Kifaru amedumua kwa miaka mingi ndani ya klabu hiyo bila kuondoka huku pia akitimiza majukumu yake ipasavyo kwa kuisemea klabu yake na si kuzungumzia timu nyingine awapo kwenye mahojiano.

"Thobias Kifaru ni msemaji bora wa muda wote kwenye soka la Tanzania, kwanza angalia muda ambao amedumu kwenye taasisi, ana takribani miaka almost 30 ndani ya taasisi moja akihudumu kwenye kitengo hicho hicho cha uafisa habari.

"Ukiangalia hata namna anavyo-address masuala ya Mtibwa Sugar kuna namna ana-address taasisi yake binafsi, kwa sababu yeye ni msemaji wa Mtibwa Sugar basi hata akiwa anahojiwa huwezi kumsikia Thobias anaondoka anaacha kuongelea mambo ya Mtibwa Sugar kisha anaenda kuongelea mambo ya Kagera Sugar.

"Hiyo ndio tofauti yake yeye na wasemaji wengine wengi sana, ukimsikiliza msemaji wa Yanga unakuta Press ni ya Yanga lakini robo ya Press nzima anaiongelea Simba, unakuta msemaji ni wa Simba na Press inahusu Simba lakini robo ya Press nzima anaiongelea Yanga, na hii kitu imeenda mpaka Azam," Wakanda Republic.