Tetesi za usajili Barani Ulaya leo Julai 29, 2023

Aston Villa haitamsajili winga wa Sporting Lisbon na Ureno Pedro Goncalves, 25, kwa sababu ofa yao ya juu ya £38.6m ilikuwa pauni milioni 30 pungufu ya bei ya Sporting.

Galatasaray wanavutiwa na kiungo Fred, 30, lakini kuna pengo katika uthamini kati ya klabu hizo mbili.

Nottingham Forest imekataa ombi la rekodi ya klabu la £35m kutoka kwa Brentford kwa ajili ya mshambuliaji wao wa Wales Brennan Johnson, 22.

Spurs watatumia mazungumzo yao na Bayern kuhusu Kane kujadili nia yao ya kumnunua mshambuliaji wa klabu ya Ujerumani mwenye umri wa miaka 18 Mfaransa Mathys Tel.

Chelsea wamekataa mpango wa mkopo wa Juventus kwa mshambuliaji wa Ubelgiji Romelu Lukaku, 30, kwa sababu wanataka kumuuza kabisa.

Chelsea wanavutiwa na viungo watatu washambuliaji - Mchezaji wa kimataifa wa Ufaransa chini ya umri wa miaka 21 wa Crystal Palace Michael Olise, 21, Mfaransa wa Lyon Rayan Cherki mwenye umri wa miaka 19 na Mghana mwenye umri wa miaka 22 Mohammed Kudus wa Ajax.

Paris St-Germain wanakaribia kukamilisha dili la kushtukiza kumsajili winga wa Ufaransa Ousmane Dembele kutoka Barcelona. Mchezaji huyo mwenye umri wa miaka 26 ana kipengele cha kuachilia cha pauni milioni 42.8 ambacho kitakamilika Jumatatu.

Bayern Munich wameanza mazungumzo na Brentford kuhusu mpango wa kumnunua kipa wao Mhispania David Raya, 27, huku mlinda mlango wa mabingwa hao wa Ujerumani Yann Sommer, 34, akijadili kuhamia Inter Milan.

Bayern pia wamekubali ombi kutoka kwa Al-Nassr kumnunua mshambuliaji wa Senegal Sadio Mane, 31.

Newcastle United wamemuuza winga Mfaransa Allan Saint-Maximin, 26, kwa Al-Ahli ya Saudi Pro League kwa £30m.

Man Utd ilikataa ombi la West Ham kwa ajili ya beki wa Uingereza Manchester United Maguire kwa Dau la £20m.