Winga wa Real Madrid, Eden Hazard
Chelsea na Newcastle United ni miongoni mwa timu za Ligi kuu England zinazohusishwa na usajili wa mshambuliaji Eden Hazard, 30, kutoka Real Madrid mwezi Januari. (ESPN)
Wamiliki wapya wa Newcastle wananmendea winga wa Watford Ismaila Sarr, 23, mmoja wa wachezaji wa mwanzo kutaka kumsajili. (Mail)
Matumaini ya Newcastle ya kutaka kumsajili mshambuliaji wa Barcelona Ousmane Dembele, 24 yameongezeka baada ya klabu hiyo ya Laliga kutakiwa kumlipa kocha wake wa zamani Ronald Koeman kiasi cha Pauni milioni 10 kama fidia. (Express)
Manchester United itapaswa kumlipa meneja wske Ole Gunnar Solskjaer Pauni milioni 7.5 kama itaamua kumtimua Mnorway huyo. (Sun)
United huenda isimtumie meneja wa zamani wa Inter Milan Antonio Conte kama mbadala wa Solskjaer kwa sababu ya gharama kubwa za kumlipa muitalia huyo. (Star)
West Ham wako kwenye mazungumzo na bilionea wa Czech Daniel Kretinsky kuhusu uuzaji wa hisa asilimia 27% za klabu hiyo. (Sky Sports)
Manchester City walijaribu kumsajili mshambuliaji wa Ubelgiji Romelu Lukaku kutoka Inter Milan mwaka jana kabla ya nyota huyo mwenye miaka 28 kujiunga na mahasimu wao Chelsea mwezi Agosti, wakala wa mchezaji anasema. (Telegraph)
Arsenal huenda ikakabiliwa na ushindani kutoka Barcelona kwenye mbio za kumsajili mshambuliaji wa Manchester City na England Raheem Sterling. (Football.London)
Washika bunduki hao wanamfuatilia pia kiungo wa Borussia Monchengladbach Mswiss Denis Zakaria, 24, ambaye atakua mchezaji huru mwakani. (Sun)
Meneja wa Chelsea Thomas Tuchel ameuomba uongozi wa juu wa timu hiyo kusajili mshambuliaji mwingine mwezi Januari kumpunguzia mzigo Lukaku. (Transfer Window Podcast via Express)
Kiungo wa Southampton na England James Ward-Prowse anawaniwa na Newcastle United katika uhamisho wa Januari, ingawa nyota huyo mwenye miaka 26 alisaini mkataba mpya na Saints mwaka jana. (Football Insider)
Kiungo Mholanzi wa Manchester United Donny van de Beek, 24 na mlinzi wa Ivory Coast Eric Bailly, 27, wamehakikishiwa mustakabali wao kwenye klabu hiyo.
Chelsea wana uhakika mlinzi wake Mdenmark Andreas Christensen, 25, atasaini mkataba mpya wa muda mrefu kusalia Stamford Bridge. (Football Insider)
Juventus imeingia kwenye mbio za kumuwania mshambuliaji mjerumani wa Red Bull Salzburg Karim Adeyemi, 19. (Calciomercato - in Italian)
Tottenham wako tayari kumruhusu kiungo wa England Dele Alli, 25, kuondoka klabuni hapo mwezi Januari . (Athletic - subscription)