Kalvin Phillips
Liverpool imeungana na Manchester United katika mbio za kutaka kumsajili kiungo wa Leeds na England Kalvin Phillips, 25, kwa ada ya £60m. (Star)
Paris St-Germain imeingia katika mbio za kumsaka winga wa Leeds, Raphinha, 24, baada ya kupigiwa chapuo na Mbrazil mwenzie Neymar. (Teamtalk)
Liverpool ni moja ya vilabu vilivyoonyesha nia ya kutaka kumsajili kiungo wa England Jude Bellingham, 18, kutoka Borussia Dortmund. (Sport1, via Sun)
Marc Overmars ataondoka Ajax na kuwa Mkurugenzi mpya wa soka wa Newcastle mwezi Januari au Februari. (De Telegraaf via Voetbal Primeur - in Dutch)
Manchester United italazimika kumlipa kocha wake Ole Gunnar Solskjaer fidia ya Pauni milioni 7.5 kama itaamua kumtimua sasa. (Sun)
Wachezaji wa Manchester United walimgeuzia kibao Solskjaer kwenye mzozo uliotokea kwenye vyumba vya kubadilishia nguo. (Times - subscription required)
Mshambuliaji wa Ureno Cristiano Ronaldo, 36, alijaribu kuwakusanya na kuwashiwishi wechezaji wenzie kumuunga mkono Solskjaer. (Manchester Evening News)
Newcastle ilimfuatilia kiungo wa Bayer Leverkusen Florian Wirtz, 18, wakati kinda huyo wa kimataifa wa Ujerumani alipokuwa dimbani Jumapili dhidi ya Cologne. (Bild - in German)
Borussia Dortmund wako kwenye mawasiliano na Chelsea kuhusu hatma ya mshambuliaji wa Ujerumani Timo Werner, 25, winga Muingereza Callum Hudson-Odoi, 20, na winga Mmarekani Christian Pulisic, 23. (Teamtalk)
Liverpool inapanga kutumia ada ya kusaini kumfanya Mohamed Salah, 29, kuwa mchezaji anayelipwa zaidi lakini taarifa kwamba Mshambuliaji huyo wa Misri anataka mshahara wa Pauni laki 500,000 kwa wiki sio sahihi. (Teamtalk)
Michael Edwards ataondoka kwenye nafasi yake ya mkurugenzi wa soka wa Liverpool mwishoni mwa msimu na Muingereza huyo mwenye miaka 41 hana kazi inayohusishwa nayo kwa sasa. (Football Insider)
Barcelona imeulizia kuhusu mlinzi wa pembeni wa Monaco Mbrazili Caio Henrique, 24. (AS - in Spanish)