Mchezaji wa Chelsea, Hakim Ziyech
Barcelona wanapanga kuwasajili wachezaji watatu wa Chelsea - kiungo wa Morocco Hakim Ziyech, 28, winga wa England Callum Hudson-Odoi, 21, na kiungo wa Marekani Christian Pulisic, 23. (Catalan Daily Sport, via AS)
Borussia Dortmund pia wanavutiwa na Ziyech wa Chelsea na wamekuwa wakiwasiliana na kambi ya mchezaji huyo. (Bild, via Inside Futbol)
Manchester United iliachana na mpango wa kumleta Meneja anayeinoa Tottenham kwa sasa Antonio Conte kwa sababu ya muitalia huyo kutaka bajeti kubwa ya kiasi cha Pauni milioni 250 kwa ajili ya usajili. (90min)
Manchester United wanamatumaini ukaribu wa Zinedine Zidane na Cristiano Ronaldo na Raphael Varane unaweza kumshawishi kujiunga na klabu hiyo na kuwa Meneja kama Ole Gunnar Solskjaer atatimuliwa. (Mirror)
Tottenham na Manchester City zimefahamishwa kwamba zinaweza kumsajili mshambuliaji wa Fiorentina na Serbia Dusan Vlahovic, 21 mwezi Januari, lakini kama watalipa Pauni milioni 70m. (Sun)
Kiungo wa Uholanzi Donny van de Beek, 24, ameamua kuondoka Manchester United mwezi Januari. (Metro)
Wolves ni miongoni mwa vilabu vinavyomfukuzia Van de Beek. (Birmingham Live)
Manchester United itamruhusu kipa wake wa England Dean Henderson, 24, kuondoka kwa mkopo wa miezi 18. (Sun)
Kiungo wa Juventus na Ufaransa Adrien Rabiot, 26, ananyatiwa na Newcastle United. (Calciomercato - in Italian)
Chelsea inamfuatilia mshambuliaji wa Napoli na Italia Lorenzo Insigne, 30. (Marca)
Real Madrid itapambana na Chelsea katika mbio za kumsajili kiungo wa Monaco na Ufaransa Aurelien Tchouameni, 21. (Marca - in Spanish)
Wolves inataka kubadilisha mkopo wa mshambuliaji wa Kurea Kusini Hwang Hee-chan kutoka RB Leipzig na kumsajili moja kwa moja huku vilabu vya Liverpool na Manchester City pia zikimuwania nyota huyo mwenye umri wa miaka 25. (Mirror)
Napoli nayo inataka kumsajili moja kwa moja kiungo wa Fulham Andre-Frank Zambo Anguissa.
Nyota huyo wa kimataifa wa Cameroon, 25, alijiunga na klabu hiyo ya Italia katika dirisha la kiangazi. (Calciomercato - in Italian)
Mshambuliaji wa Arsenal na timu ya taifa ya England U21 Folarin Balogun, 20, anasakwa na Middlesbrough. (Sun)