Robert Lewandowski
Real Madrid ndio mahali anapopendelea zaidi Robert Lewandowski iwapo mshambuliaji huyo wa Poland, 33, ataondoka Bayern Munich msimu ujao wa joto. (AS-in Spanish)
Barcelona wanataka kumsajili mlinzi wa Uhispania Cesar Azpilicueta kwa uhamisho wa bila malipo. Nahodha huyo wa Chelsea, 32, mkataba wake unamalizika msimu wa joto. (Marca)
Everton wanaweza kumfuta kazi meneja Rafael Benitez au mkurugenzi wa kandanda Marcel Brands ifikapo mwisho wa juma. (Football Insider)
Kocha mpya wa mpito Ralf Rangnick anatamani Manchester United kufanya usajili wa mshambuliaji wa Chelsea na Ujerumani Timo Werner, 25, majira ya joto. (Bild,via 90min)
Rangnick atapokea bonasi ya Euro milioni 10 ikiwa atamshawishi mshambuliaji wa Borussia Dortmund na Norway Erling Braut Haaland, 21, kujiunga na Manchester United. (Bild-in German)
Rangnick atapewa bajeti ya uhamisho ya hadi Pauni milioni 100 ili kuimarisha kikosi cha Manchester United mwezi Januari.(Mirror)
Mlinzi wa kulia wa RB Leipzig na Ufaransa Nordi Mukiele, 24, anafuatiliwa na Manchester United.(90min)
Chelsea wako tayari kumuuza kiungo wa Morocco Hakim Ziyech, 28, na mshambuliaji wa Ujerumani Timo Werner, 25, kwa Barcelona.(Sport-in Spanish)
Wakala wa Jorginho anasema kiungo huyo wa kati wa Italia mwenye umri wa miaka 29 hajafanya mazungumzo na Chelsea kuhusu kuongeza mkataba.(Tuttomercatoweb-in Italian)
Leicester City wanapanga kumnunua mshambuliaji wa Wolves Hwang Hee-chan, 25 mwezi Januari. Mchezaji huyo wa kimataifa wa Korea Kusini yuko kwa mkopo Molineux kutoka RB Leipzig.(Football insider)
Borussia Dortmund wameingia kwenye kinyang'anyiro cha kumsajili mshambuliaji wa Uruguay Darwin Nunez, 22, kutoka Benfica. (Record-in Portuguese)
Rangers wamejitokeza kumuwania Xavi Simons wa Paris St-Germain na wanafikiria kutoa ofa ya kumsajili kiungo huyo wa kati wa Uholanzi, 18, mwezi Januari.(AS-in Spanish)
West Ham wanatarajiwa mwezi Januari kuwanunua washambuliaji wa Manchester United Jesse Lingard, 28, na mlinzi wa kati wa Burnley James Tarkowski, 29.(Mirror)
Aston Villa hawana nia ya kumsajili mlinzi wa Liverpool na England Joe Gomez, 24.(Mail)
Winga wa Inter Milan na Croatia Ivan Perisic, 32, anafikiria kuhamia Tottenham.(Sport1)
Mshambulizi wa timu ya England ya wachezaji wasiozidi umri wa miaka 21 Eddie Nketiah, 22, amekataa ofa ya kandarasi mpya kutoka kwa Arsenal.(Sky Sports)