Ten Hag amlilia Mason Mount

Manchester United wako tayari kutoa pauni milioni 55 kumnunua kiungo wa Chelsea Mason Mount.

Mchezaji huyo wa kimataifa wa Uingereza, ambaye amekosekana wiki za mwisho za msimu kutokana na jeraha, hivi sasa analengwa sana na Erik ten Hag kuelekea dirisha la usajili la majira ya kiangazi na kocha huyo wa United anataka dili likamilishwe haraka.

Mount anaingia mwaka wa mwisho wa kandarasi yake huko Stamford Bridge huku mustakabali wake ukiwa katika hali ya sintofahamu.

Vyanzo vya Old Trafford vimedokeza kuwa mazungumzo juu ya uhamisho wa mchezaji huyo mwenye umri wa miaka 24 yanatarajiwa kuanza hivi karibuni.

United wanataka kulipa kiasi cha £55m kwa Mount, bei ambayo iko chini ya thamani ya Chelsea ya £85m.