Mchezo wa Ligi ya Champioship, Ken Gold dhidi ya African Lyon
Wakati Ligi ya Championship ikiendelea leo uwanja wa Sokoine itawakutanisha wakongwe, Dany Mrwanda na Jerson Tegete watakapoziongoza Ken Gold na African Lyon.
Nyota hao ambao waliwahi kung'ara na timu kubwa za Simba na Yanga kwa nyakati tofauti leo watakutana uso kwa uso kusaka pointi tatu muhimu ili kuziweka pazuri timu zao.
Mchezo huo wa raundi ya nne, African Lyon wanaingia wakiwa na uchu zaidi wa kusaka ushindi wao wa kwanza na kujinasua mkiani na Ken Gold wakihitaji alama tatu ili kupanda juu.
Wakongwe hao wote ndio manahodha wa timu hizo, hivyo kila mmoja atakuwa akimuangalia mwenzake katika vita ya kuipambania Chama lake ushindi.
Ikumbukwe Mrwanda alishazichezea timu kadhaa kama, Majimaji,Njombe Mji, Kagera Sugar, Simba, Yanga, Taifa Stars kwa vipindi tofauti lakini akikipiga pia nje ya nchi.
Tegete naye alishakipiga sehemu tofauti kama Majimaji, Kagera Sugar, Mwadui, Alliance na sasa anakiwasha African Lyon.