Tanzanite yaendeleza ubabe CECAFA U20

Tanzania imeendeleza wimbi la ushindi katika michuano ya CECAFA wanawake chini ya umri wa miaka 20 baada ya kuchapa Burundi 3-2 katika Uwanja wa FTC Njeru nchini Uganda.

Mabao ya Tanzanite katika mchezo huo yamefungwa na Mwamvua Haruna dakika ya 60 kwa penalti, Clara Luvanga dakika ya 80 na Emiliana Isaya dakika ya 83.

Tanzanite iliyoshinda 1-0 dhidi ya Eritrea Jumamosi bao pekee la Clara Luvanga dakika ya 90 - itashuka tena dimbani Jumatano kumenyana na Ethiopia, kabla ya kuivaa Uganda Jumamosi na kukamilisha mechi zake kwa kucheza na Djibouti Novemba 9.